Home Police Chauffeur a bira malo riba Green corridor y a accidenta cu su...

Chauffeur a bira malo riba Green corridor y a accidenta cu su auto

SHARE

Green Corridor-Diaranson den careda di 6 or y 45 di atardi, chauffeur di un Nissan March riba Green corridor, bayendo direccion pariba un poco pabou di e rotonde Ser’i Teishi a bira malo tras di stuur.

E la baha caminda cu su auto,e la ranca un borchi di trafico band’i pazuid di caminda y dje e la hala na su man robes y a keda pega contra e tera cu ta separa dos camindanan.

Polis y ambulance a bay na e sitio, na prome instante a pensa cu e chauffeur lo tabata pega den e auto y a pidi pa presencia di brandweer, pero despues a resulta cu e no tabata pega y a cancela brandweer.

Paramediconan di ambulance a trata e homber na e sitio y despues a transporte pa hospital. Polis di trafico a yega na e sitio, pa atende cu e accidente.

Un patruya di polis a cera e caminda for di rotonde di Mahuma bay direccion pariba. Takelwagen a hala e auto for di riba caminda y asina polis por a habri e caminda bek pa trafico.