Caya Totomo/Tanki Leendert – Diamars anochi algun minuut cu polisnan tawata terminando un problema domestico na Piedra Plat, otro unidad a bay Caya Totomo pa bringamento di otro pareha.
Eynan un homber of e homber di e pareha lo sali bati alarma cu su pareha lo no ta reacciona, aparentemente debi cu e lo a dal e cu un stoel.
Polis a yega mesora, y ta cuminsa haci su investigacion.
A resulta cu e muhe no tawata for di tino manera a wordo bisa anteriormente. Enberdad lo tawata tin un discusion entre e pareha, y esaki lo a termina unda cu e homber lo a destrui un stoel den e cas.
Ambulance a wordo solicita pa controla e muhe cu aparentemente lo a bay “off”, pero na yegada di e Paramediconan e muhe lo no tawata desea asistencia di nan parti.
Polis a papia cu ambos persona y asina trece un trankilidad pa e anochi ey.
Diaranson ta un otro dia unda e pareha lo por sinta trankil y papia manera adulto locual a sosode.
