141
Hadicurari/Fisherman’s: Diaranson den careda di 1’or di merdia un pickup Dodge Ram a pega candela riba beach di Fisherman’s Hut. E pickup tabata lastrando un boto pa asina baha e boto den awa, pero no a logra esaki, poco prome cu e por a bay baha e boto e pickup a pega candela.
E candela a cuminsa den e motor di e Pickup y hopi lihe a expande bay den e cabina. E pickup tabata completamente na candela na momento cu brandweer a yega.
Mesora brandweer a cuminsa combati e candela, brandweer den un tempo record a logra domina y paga e candela.
Lamentabelmente e unico parti di e pickup cu a scapa di e candela tabata e baki y e boto. Un patruya di Strand Politie tambe a presenta na e sitio, pa tuma datos.