Piedra Plat: Diamars den careda di 9’or di anochi, un mama cu un yiu chikito a yega na su bisinja pa pidi ayudo despues cu su pareha a bira hopi agresivo den cas. No ta conoci si e homber por a maltrata e dama, pero e tabata tin hopi miedo di e homber hopi agresivo.
E problema a cuminsa na momento cu e homber a dal su yiu muhe y probablemente e mama lo a bay tuma parti pa su yiu y aki a start un problema cu a bay for di man. Ora e mama a nota cu e homber a bira hopi agresivo, e la core bay na su bisinja, pa pidi ayudo y nan lo a yama polis. E mama a bisa polis cu e no kier keda den cas cu e homber presente.
Na e sitio polis a papia cu e senjora y un otro a papia cu e homber y despues di un rato polis a dicidi di detene e homber.
E pareha tabata casa y algun anja pasa nan a divorcia, e homber a bay biba den exterior y algun tempo atras a regresa Aruba, e senjora lo a haci bon cu e homber. E pareha tin mas yiu hunto.
