81
Dadelstraat:
Diaranson algo despues di 12’or y mey di marduga, chauffeur di un Chevrolet SUV pa un of otro motibo no a controla su velocidad na tempo y a subi e rotonde cu su auto kibrando un palo di lus y un borchi trafico.
E chauffeur despues di a subi e rotonde cu su auto, no kier a keda na e sitio y a cuminsa core bay direccion pazuid, polisnan a bay su tras y no a dura mucho cu polis a logra pone man riba e chauffeur y a cana bin bek cu ne na e sitio.
E chauffeur a wordo deteni y transporta pa warda di polis. E dañonan material na e auto y e rotonde ta considerabel.