Emmastraat/Schelpstraat – Diadomingo anochi polis mester a bay atende cu un persona femenino bou influencia.
E muhe aki lo tawata causa molester e hotel eybanda mes.
Polis a bay e hotel y a tira bista pa e muhe, pero no a logra haye e momento ey.
Saliendo for di e hotel un security a para e patruya y a mustranan unda e muhe tawata bayendo, cu ta panort ariba Plaza Daniel Leo.
E patruya a pasa rond, y a topa cu e muhe y a baha pa atende cu ne.
Mesora polis a nota cu berdad e muhe ta hopi bebi y di baina por a para ariba su pianan.
Dado momento e muhe a cuminsa bira mas y mas fastioso.
Locual a pone cu e agentenan mester a usa forsa y drspues pone ariba vloer pa por a pone den boei.
Eynan e muhe cu no ta local a keda papia un monton di cos y keda resisti.
Polisnan a papia tur na bon cu ne pa e keda trankilo pero nada.
Despues di basta wardamento transportwagen a yega y polisnan a hibe warda di Strandpolitie, eynan un sub fiscal lo dicidi kiko lo pasa cu e.
