Home » Un Serial Killer Aleman, profugo pa 22 aña señala na Corsou

Un Serial Killer Aleman, profugo pa 22 aña señala na Corsou

by Admin
0 comment 106 views

Alemania/ Corsou:
Segun e corant Aleman, Bild am Sonntag, e serial killer Aleman, mas busca pa Alemania y internacionalmente
Norman Volker Franz (51) kende a asesina 5 persona, tambe na diferente ocasion a huy for di prison, ta wordo busca pa mas di 22 aña y posibelmente e criminal mas busca pa Alemania ta scondi na Corsou.

Na 28 di juli 1999, e la huy for di un prison na Lisboa Portugal. Esaki tabata su ultimo potret ora e la wordo deteni na Oktober 1998 na Portugal.

 

Despues cu e la huy for di un prison na Lisboa, a cuminsa un buskeda internacional pa Franz. Norman Franz ta papia Aleman, Spaño y Portugues. Segun autoridad Aleman tabata tin pista cu Norman Franz no a regresa Alemania, pero mas bien a bay biba den exterior. Esaki ta e potret cu a wordo usa na momento cu a cuminsa cu e buskeda internacional.

Un turista Aleman cu a bishita Corsou na april e aña aki, a mira un homber cu ta cuadra cu e descripcion di Franz. asina un recherche di e recherche bureau di estado di  Noordrijn Westfalen a informa Bild am Sonntag. Mesora e recherchenan a avisa coleganan den exterior y nan ta spera cu e biaha aki si nan lo por gara Norman Franz y traslade pa Alemania.

Segun e recherchenan cu ta buscando Franz pa mas di 14 aña, a comenta cu Franz ta un homber hopi inteligente y tin bon manera. E ta gusta conquista muher, pero tras di e persona cu supuesto bon manera y amabel, ta sconde un sin fin di maldad. Segun e funcionario aki ” Franz semper kier logra tur su obhetivonan material, cu ta yega na placa na e forma mas liher cu ta posibel. Tambe uso di placa ta totalmente irelevante pa su persona. Un cos ta sigur cu Norman Franz ta un persona hopi peligroso.

Esaki tabata bon duidelijk, desde cu e la cuminsa cu su carera criminal. Na 1995 e tabata tuma e sigarianan for di algun Polaco, aparentement e no tabata cumpli cu su suplier, pero e tabata bende e sigarianan aki si pafo di e scol, Westfalen College na Dortmund, Alemania.

Na dado momento e la haya un discussion cu e dos supliernan Polaco. Franz a traha un trampa pa nan y a tira un handgranaat den e auto. Un di e hombernan a fayece mesora, e otro a keda na bida y tabata gravemente herida, Franz a tira e homber gravemente herida den cabes.

Despues di e asesinato cruel di e dos polaconan,  Franz a trata na huy hunto cu su pareha Sandra C. e tempo ey di 23 aña. Pero na un toll booth e la wordo deteni. Despues di un aña e la keda sentencia cu levenslang, pa e asesinato cruel di e dos Polaconan. Sandra cu Franz a casa den prison. Durante un bishita na e prison Sandra a dun’e un dossier y den dje lo tabatin algo cu Franz a usa pa asina zaag e tralienan di e prison, mientras su casa Sandra tabata wardando riba dje den un auto pa nan huy.

Cinco dia despues cu Franz a huy for di prison, e la atraca un auto cu ta transporta placa, e la tira un bewaker mata y a horta 10 mil mark (6 mil dollar) . Cuater luna despues e la mata dos otro bewaker di un truck cu tabata transportando placa, den e truck tabata tin 250 mil mark y a huy hunto cu su casa pa Portugal. Na Portugal e la bay traha den real estate y tabata usa un nomber falso. E pareha profugo a haya un yiu na Portugal. Na Oktober 1998 e pareha a wordo aresta pa recherchenan Aleman.  Na Juli 1999 Franz un biaha mas ta logra huy for di prison, cu ayudo di un zaag y un laken.

Sandra a wordo extradita pa Alemania y a wordo sentencia cu 6 aña y tres luna di castigo di prison. Mientras tanto e la divorcia di Norman Franz y ta hibando un bida normal bek.  Pero Norman Franz ta desaparaci desde Juli 1999. Desde cu e la huy for di prison a drenta mas di 800 tips over di su posible residencia, pero ainda e ta fugitivo di ley.

Norman Franz a kibra tur contacto cu su famia y amistadnan na Alemania y segun e recherchenan den e team cu ta buscando Franz. Franz mester ta scondi un caminda hopi leu di Alemania. Segun un recherche Franz sa bon cu e no por yega den becindario di cualke Aleman, pasobra e chens ta grandi cu nan lo por reconoce.

Na Februari 2021, Norman Franz a wordo poni riba e lista di Interpol y Europol, tin un buskeda rigoroso andando pa e criminal aki.

Polisnan na Corsou despues di a ricibi e informacion cu e criminal mas busca na Alemani a mesora a bay controla tur e tipsnan cu a drenta, pero no a bin topa cu ne.
Norman Volker Franz, e serial killer Aleman mas busca na Alemania y tambe busca internacionalmente, pa mas di 22 aña ta desapareci.

 

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio