Home Police Cas bieu na candela a causa panico cu mester a evacua ancianonan...

Cas bieu na candela a causa panico cu mester a evacua ancianonan for di un parti di Sint Michael Paviljoen

SHARE

Caya Ir.Roland H.Laclé – Diadomingo mainta den careda di 9:30 pasa alarma pa un candela grandi a wordo bati den Playa.
Esnan mas leu tawata mira huma preto grandi.

Prome informacionnan cu a drenta tawata cu Sint Michael Paviljoen Aruba lo ta na candela.

Na e momento eynan no tawata sa kiko of cua parti ta na candel.
Polisnan cu a yega hunto cu demas hendenan a cuminsa na evacua e personanan cu ta bed liggend o sea esnan cu no por move ariba nan mes.

Camindanan cu tawata dirigi pa e Hospitaal bieu a wordo cera pa trafico, esaki pa cualkier eventualidad si mester unidadnan di ambulance y tambe mas brandweer cu lo tin di yega.

Mientrastanto unidadnan di brandweer cu a yega mesora a bay unda e candela ta, cu tawata un cas bieu bandona parti patras di e Hospitaal bieu.

Pues no tawata tin candela directamente ariba tereno di Paviljoen mes.

Asina mes varios anciano a wordo evacua, debi na e miedo si e candela expande.
Ora cu a haya sa e origen di e candela esnan cu por cana no tawata tin motibo pa evacua nan. Por a mira cu esnan bed liggen a wordo movi di unda e candela tawata.

Instancia manera Rode Kruis y slachtofferhulp a ser pidi si nan lo por a presenta na e sitio.

Brandweer a sa di domina e candela treciendo e trankilidad bek bou di nos grandinan, famia y tambe personal di e luga.

Elmar N.V no mester a presenta debi cu e cas bieu no tin coriente.