Home » Na Ecuador, un homber di nacionalidad Hulandes (55) a wordo mata durante un asalto den un bar

Na Ecuador, un homber di nacionalidad Hulandes (55) a wordo mata durante un asalto den un bar

by Admin
0 comment 125 views

Den un bar na Ecuador un homber di nacionalidad Hulandes di 55 aña a wordo tira y a fayece un rato despues na un Hospital.

Santa Ana, Guayaquil, Ecuador:
Asina medianan local a duna di conoce, e incidente a sosode diaranson ultimo na Santa Ana, Guayaquil. Den careda di 9’or di anochi (ora local). E homber Hulandes di 55 aña tabata sinta den un bar cu dos dama, na momento cu e asaltantenan a drenta den e bar. Nan a cuminsa exigi di e homber tur su pertenencianan y e Hulandes a opone, Un di e asaltantenan a los un tiro direccion di e homber y a lag’e gravemente herida.

E asaltantenan a huy for di e sitio, cada un a bay diferente direccion. E otro clientenan den e bar mesora a bati alarma. E homber hulandes a wordo hiba cu urgencia pa hospital caminda un rato despues e la bin ta fayece.

Polis mesora a cuminsa cu un investigacion y e recherchenan tin pista caba ken e asaltantenan ta y nan a wordo identifica caba, pero te ainda no a logra pone man riba nan. Ministerie di Buitenlandse Zaken a confirma cu e Homber Hulandes (55) procedente di Amstelveen a fayece na Ecuador, pero no por a duna mucho detayes.

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio