Home Police Cuerpo policia Aruba ta informa: Homber deteni despues di a hinca dos...

Cuerpo policia Aruba ta informa: Homber deteni despues di a hinca dos dama na De Vuyst

SHARE

—— CUERPO POLICIAL ARUBA TA INFORMA ——-

Awenochi pa mas o menos 10:40 patruya di polis ta wordo dirigi cu maximo urgencia pa e bario di De Vuyst na San Nicolas pa un caso di hincamento.

Un persona masculino lo mester a hinca dos hende muher cu resultado cu un di nan a keda gravemente herida y su situacion ta critico.

E sospechoso lo a bandona e sitio pero den un forma rapido patruya ta logra localisa e sospechoso na altura di Rey Hing Supermarket na Pos Chiquito den su pick-up cora.

Den un manera tactico Polis ta detene e sospechoso y ta confisca un cuchui den e pick-up.

Dos ambulance ta wordo dirigi na e sitio di incidente cu maximo urgencia pa atende cu e victimanan. Personal di recherche San Nicolas, polis tecnico y slachtofferhulp a yega na e sitio pa asina cuminsa cu e investigacion. E caso aki ta den pleno desaroyo.