Home Uncategorized π— π—œπ—‘π—œπ—¦π—§π—˜π—₯ π——π—œ π—˜π—‘π—¦π—˜π—‘Μƒπ—”π—‘π—¦π—” 𝗔 𝗣π—₯π—˜π—¦π—˜π—‘π—§π—” 𝗦𝗨 π—©π—œπ—¦π—œπ—’π—‘ 𝗬 π— π—”π—›π—˜π—›π—’ 𝗑𝗔 𝗧𝗨π—₯ π——π—œπ—˜π—¦...

π— π—œπ—‘π—œπ—¦π—§π—˜π—₯ π——π—œ π—˜π—‘π—¦π—˜π—‘Μƒπ—”π—‘π—¦π—” 𝗔 𝗣π—₯π—˜π—¦π—˜π—‘π—§π—” 𝗦𝗨 π—©π—œπ—¦π—œπ—’π—‘ 𝗬 π— π—”π—›π—˜π—›π—’ 𝗑𝗔 𝗧𝗨π—₯ π——π—œπ—˜π—¦ π——π—œπ—₯π—˜π—–π—§π—œπ—©π—” π——π—œ π—¦π—–π—’π—Ÿπ—‘π—”π—‘ 𝗑𝗔 𝗔π—₯𝗨𝗕𝗔

SHARE

EnseΓ±ansa den Transicion ta titulo di e maneho di EnseΓ±ansa 2021-2025.
Diamars ultimo Minister Endy Croes tabatin un di su prome presentacionnan di maneho di enseΓ±ansa pe periodo di 2021 – 2025, na tur dies directiva di scolnan na Aruba. Presente na e ocasion tabata tur presidente y/of directornan hunto cu
Directie Onderwijs, Inspectie Onderwijs y Duos.

E presentacion a hiba como titulo β€˜EnseΓ±ansa den Transicion’. E mandatario a duna un presentacion hopi amplio unda a bay un poco den historia desde 1986 unda a bin riba diferente rapport cu a wordo skirbi. Tambe a elabora riba vision y mision di Minister Endy Croes. A papia di e PEN 2030, SDG 4 cu ta brinda oportunidad pa tur hende tin acceso na EnseΓ±ansa y β€˜lifelong learing’.

E prioridadnan ta (1) calidad basico di enseΓ±ansa, (2) enseΓ±ansa pa un y tur y (3) desaroyo di competencianan di siglo 21. Durante e presentacion Minister Endy Croes a papia tambe di e recomendacionnan di e β€˜tussenrapport’ cu ta un β€˜doorlichting’ cu door di e β€˜landspakket’ cu a tuma luga entre Inspectie di Aruba y Inspectie di Hulanda. Durante e presentacion a elabora riba e cifranan pa cu enseΓ±ansa cu ta encera e cantidad di alumnonan y scolnan. E mandatario a pidi cada β€˜stakeholder’ pa carga nan responsabilidad den e proceso, directiva di scolnan carga di nan, minister ta carga di dje, Gobierno tambe ta carga di dje, diensten ta carga di nan y hunto ta eleva enseΓ±ansa cu e cambionan y reformanan cu e β€˜landspakket’ y e rapport final lo brinda.

Den su vision, Minister di EnseΓ±ansa a informa tur e directivanan di scolnan cu esaki ta un di e plataformanan cu ta bay uza. Minister Croes a pidi pa nan contribucion, conseho y comunicacion pa hunto hiba enseΓ±ansa na un otro nivel.
E mandatario a sigui bisa; “Nos ta contento con e presentacion a bay. Nos por a sinti un satisafaccion den e sala cu e presentacion cu nos a duna. Nos ta bay tin un enseΓ±ansa fuerte pa futuro y asina produci tambe bon ciudadanonan capacita pa nos comunidad cu lo sigui yuda Aruba desaroya tanto den economia y den tur otro sector pa un miho Aruba’.