Home Dutch Kingdom Update: Curpa di e criatura cu tabata perdi a wordo haya cerca...

Update: Curpa di e criatura cu tabata perdi a wordo haya cerca di Neeltje Jans na Zeeland

SHARE

Neeltje Jans, Zeeland:
E criatura Dean Verberckmoes (4) cu a wordo secuestra pa e homber Dave de Kock , a wordo haya morto na Zeeland, cerca di Neeltje Jans. Asina polis a informa dialuna anochi via Twitter. Segun un corant di Belgica Het Nieuwsblad ta De Kock mes a bay mustra polis unda e curpa a wordo benta. Segun e corant e curpa tabata scondi memey di barancanan. Ainda no ta conoci con e la mata e criatura.

Polis tabata tene na cuenta si cu e homber y e mucha lo tabata na e parti zuid di Hulanda. Dialuna tabata tin varios buskeda tumando luga, entre otro na Sprang-Capelle y Vlissingen. Riba varios caminda tabata mas cu 10 auto di polis ta busca, tambe riba Vlissingen helicopter di polis a lanta y tabata buscando.

Den un mensahe den oranan di anochi polis a informa cu durante e buskeda a bin topa cu un curpa sin bida di un mucha, cu ta mustra di ta di Dean Verberckmoes. Investigacion lo mester confirma esaki, pero cu polis lo tene cuenta cu esaki tambe.

Dialuna anochi un team di recherche y polis a bay den e area di Vrouwenpolder pa un buskeda y den careda di 10’or di anochi nan a bin topa cu e curpa sin bida di e criatura.