Home Police Dos homber deteni, despues di un bululu formal ariba caya

Dos homber deteni, despues di un bululu formal ariba caya

SHARE

Caya Ritmo – Diadomingo anochi durante cu polisnan tawata atende un accidente ariba rotonde grandi di Bowling, polisnan ta constata cu auto lo a dal un persona.
Esaki a sosode na e rotonde altura di e gasoline station.

Agentenan mesora a bay mira e situacion.

A bin resulta cu ta un problema entre algun persona, unda cu golpi a cay di ambos banda. Durante cu nos tawata na e sitio, por a scucha varios version.

Por a mira ariba e rotonde esta pazuid di parkeer plaats di Citgo un Nissan March color blauw, cu parti fi e windshield kibra.

Polis a detene dos homber, uno ta conoci di polis y e otro ta un homber Chines.

Segun e conoci di polis nan lo a dal e cu machete, biga y tambe dal e cu auto.

Un gritamento di otro mundo. Por a scucha tambe e cabayero Chines bisa cu e la bringa of dal e conocido R. debi cu e la yama su casa pa p.

Eynan dilanti polis e la bisa cu e lo tawata kier a mata e homber ora e la insulta su casa.

Nissan March blauw ta di e cabayero Chines, e lo ta huur esakinan.

E di tercer persona cu tawata na stuur di e March despues di lo a dal R cu e auto a baha core bay, aparentemente den caya Tumba panort di e Convenience store.
Polisnan lo a bay buske pero lo no a localise.

Por a mira si cu R tawata herida y na tera indicando cu e lo tawata den un pelea. Ambulance a wordo pidi pa controle, pero na yegada ya e la wordo transporta pa warda di Shaba.

Departamento tecnico(bfto) a wordo pidi y na su yegada mester a saca algun potret pa e investigacion

E cabayero Chines a wordo hiba warda tambe.
Na warda polisnan lo mester bay puzzel kiko exactamente a sosode, debi cu nan mes na e sitio no tawata compronde e origen di e problema.

Na final takelwagen a presenta y a bay cu e auto Nissan March pa mas investigacion.