204
Paradera – Diasabra mainta pa mas o menos 9’or brandweer a wordo avisa di un auto na candela. Esaki a tawata net dilanti Nos Paraiso Kleuterschool situa panort di rotonde di Paradera.
Tawata trata di un pick up cu ta service pool. Den e bak lo tawata tin clorox cu ta wordo usa pa haci pool limpi.
Pa un of otro motibo esaki a cende, obligando e chauffeur stop e auto memey caminda y baha hala leu.
Brandweer den algun minuut a presenta y mesora a usa awa y un brandblusser pa paga e candela.
Gran parti di e vehiculo a bay perdi door di awa y e candela mes y tambe e resto di kimico cu a keda den baki. Propetario di e negoshi a presenta tambe pa pone su mes na altura di locual a pasa.
No tawata tin daño personal.