Hooiberg/Santa Cruz – Diabierna atardi den careda di 4’or polis y ambulance a bay ariba e caminda di Hooiberg pa Santa Cruz, unda lo tin un accidente cu hende herida.
Na yegada polisnan a topa cu un Toyota Yaris y un dienstwagen Ford Figo.
Mirando e situacion di un di e chauffeurnan a pidi un ambulance cu urgencia, debi cu e dama lo no por a hala rosea bon.
Polis mester a cuminsa guia trafico den ambos banda, mirando cu e momento ey trafico a cuminsa bira basta druk.
Na yegada di ambulance e paramediconan a bay atende e dama y tawata bise pa e trankilisa y trata na hala rosea trankilo.
Esey no tawata yuda mucho si mester bisa.
Paramediconan a bisa e dama sali di e auto y subi ariba e brancard. Visiblemente e dama tawata mustra bastante exita y tawata soda y tosa hopi.
Polis di trafico tambe a presenta na e sitio. E accidente a sosode ariba un ij splitsing y no dunamento di preferencia lo por ta e causa.
Ambulance a transporta e dama pa Hospitaal.
