Home » 4 aña di prison exigi pa ambtenaar sospecha di a abusa di un mucha homber

4 aña di prison exigi pa ambtenaar sospecha di a abusa di un mucha homber

by Admin
0 comment 96 views

ORANJESTAD – Diabierna merdia te den oranan di atardi, Corte di Husticia a trata e caso penal cu Ministerio Publico a cuminsa contra e homber P., kende ta wordo acusa di a haci actonan inmoral y purba penetra un mucha homber di 14 aña.

Aruba Native a compronde P. ta para riba cu e no a abusa di e mucha sino a bay papia cun’e pasobra e mucha lo tin intensionnan menos bon y tabata corta su curpa.

Sinembargo Fiscal a confronta P. cu e hecho cu riba 31 di Mei 2021 mas o menos 11.30 di anochi, el a haci actonan inmoral y purba penetra un mucha homber di 14 aña. Hues a bisa cu un dama a haci denuncia. 31 Mei 2021 e wela a spierta den careda di 11.30 di anochi y a ripara cu e mucha homber no ta den cas. Despues e mucha core drenta cas soda y lomba sunu. Via camera di seguridad, Polis a mira un homber drenta e cas y despues a sali. P. a admiti cu t’e y cu el a papia cu e mucha. E mucha a bisa cu e tabatin contacto cu P. via chat y P. a palabra cun’e pa topa personal. Nan a topa den misa Cristian. E mucha ta bisa cu ora P. a yega cas e tabata kier pa e bay cun’e den auto. E mucha a bisa cu e kier keda cas. El a bay cu P. pafor y P. a haci actonan inmoral cun’e. Segun e mucha el a bay den auto di P. y P. tabata kier a penetr’e.

POTRETNAN DI MUCHA

P. a desmenti categoricamente cu el a haci algo inmoral. Hues a mustra cu tin imagen caminda ta mira P. ta sali for di e caso ta subiendo su jeans. Segun P. el a bay serca e mucha. pasobra el a tende na misa cu e muncha tin problema y ta corta su mes cu menos bon intension. El a bisa cu e tabata papia cu e mucha riba chat riba e problema aki. Hues a bisa si no ta algo no normal cu ta bay den oranan laat di anochi na e cas. Hues mustra cu for di cellular di P. a mira cu for di Januari 2021 e tabatin contacto cu e mucha. Den cellular di P. a haya diferente potretnan y di un mucha di 15 aña. E mucha a bisa Polis cu P. ta un maniac y ta busca muchanan pa tin relacion cun’e. P. a desmenti esaki totalmente. Segun P. ta e mucha ta manda potret pa P. Hues a bisa cu e mucha ta nenga di tin contacto cu P. y a manda potret.

Hues a puntra P. kico e ta pensa di e 3 acusacionnan aki. El a bisa cu eseynan no ta berdad.

MESTER HAYA AYUDO DI PSYCOLOGO

Ta asina cu P. ta un “leerplicht ambtenaar” y actualmente ta suspendi desde September 2021. Hues mustra cu tin un raport di Reclasering cu ta mustra cu P. ta hopi deportivo y tabata coach di un team di futbol. Reclasering ta bisa cu si acaso P. wordo haya culpable, e lo mester haya guia di psycologo.

Hues a sigui bisa cu tin raport di psycologo cu ta mustra cu P. ta compronde kico ta bon y malo. E psycologo ta haya cu P. mester ayudo psycologo y guia di Reclasering pa siña controla su emocionnan. P. a bisa Hues cu e no ta reconoce su mes den e raport aki.

CASTIGO EXIGI

Fiscal a bisa Hues cu e ta haya cu tin suficiente prueba di sosten. El a mustra cu e mucha a declara cu dia 30 Mei 2021 el a bay misa cu su omo y el a topa P. den baño y nan a papia cu otro. El a bisa cu den pasado P. lo a mand’e mensahenan pero no reacciona. 31 Mei 2021 e sospechoso lo tabata chat pero den delete mode cu e mucha. E sospechoso P. kier a top’e y a bay na e cas. P. tabata kier pa e mucha bay cun’e den auto. E mucha a bisa cu no mihor keda na cas. Tanto den e cas como den e auto, P. lo a haci actonan inmoral cu e mucha y hasta a purba penetra e mucha.

Fiscal a exigi 4 aña di prison di cual 6 luna ta condicional cu un tempo di prueba di 3 aña.

Tambe Fiscal a pone condicion cu P. mester cay bou guia di Reclasering.

Tambe Fiscal a exigi pa prohibi P. pa haci su trabao te caminda ley ta permiti.

Hues despues di a scucha defensa di abogado mr. Illes, a sera tratamento di e caso y a bisa cu dia 4 di Februari 2022 lo tin sentencia.

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio