Pa prome biaha na mundo un curason di un porco a wordo transplanta cerca un ser humano.
Esaki ta un primicia den e mundo medico, asina New York Times a informa.
Baltimore, Maryland:
E dokternan mericano di University of Maryland School a ehecuta e operacion aki cu a dura 8 ora largo. E operacion aki a tuma luga na Baltimore.
Segun e cirujano cu a guia e operacion Dr. Bratley Griffith, “Nos a keda hopi contento di por a haci e operacion aki. Despues di e operacion tur cos ta mustra cu e ta bayendo bon, pero nos no por bisa kiko mayan lo por trece cu ne. Un transplante di curason, den e caso aki cu un curason di un porco nunca antes a yega di sosode na mundo.
E operacion aki a kibra un barera y ta duna pashentnan cu ta riba lista di espera pa un transplante di curason, mas speransa.
Organonan di Porco
Toch dr. Griffith a pone enfasis cu mester ta hopi cauteloso ainda. Bennet, e pashent cu nan a haci e transplante di curason cerca dje, ainda ta na machine, e ta na e mesun machine cu’e tabata na dje prome cu e operacion. E machine aki tabata mantene Bennet na bida. Nan ta sigui monitor’e y si tur cos ta bon aki un par di dia nan lo kita e machine.
Tambe e dokternan constantemente ta controlando e pashent pa infecionnan. por ehempel Retrovirusnan, Porcine endogenous retrovirus (PERV’s). Maske e chens ta hopi chikito, toch e virusnan aki por wordo traspasa di porco pa hende. Retrovirusnan por ocasiona entre otro cancer di sanger, leukemia. Un infeccion di retrovirus por ta fatal pa e pashent.
No ta prome biaha cu a transplanta un organo di porco pa un ser humano. Aña pasa oktober, un pashent cu tabata braindead y tabata tin problema cu rion, a haya un rion di porco. Lamentabelmente e rion a traha dos dia masha normal y despues e curpa di e muher a reject e rion. Diferente pashent cu diabetici a haya alvleeskliercelnan di porco. Tambe pa kemaduranan di cuero severo cerca pashentnan, dokternan ta usando cuero di porco caba, esaki pa temporalmente tapa e heridanan.
Den futuro
Aña pasa, mas o menos 41.354 Mericano a haya un organo nobo. Segun United Network for Organ Sharing, ta un non profit organisation, cu ta coordina transplantenan na Merca a informa, cu mas cu mitar di e transplantenan haci na merca, ta trata di transplante di rion. Desde aña pasa 3817 Americano a haci transplante di curason. Esaki ta e cantidad mas halto den historia, pero asina mes e demanda ta hopi mas halto cu locual ta wordo ofreci. E organisacion ta bisa e organonan adecua ta scars y cu diariamente hende ta muri pa falta di organonan adecua.
E cirujanonanan cu ta haci e transplantenan ta spera cu den futuro organonan di porco bira e posibel solucion pa falta grandi di e organonan adecuado. Porconan ta keda interesante pa cientificonan, pa motibo cu nan organonan cua grandura ta comparabel cu esunnan di ser humano y cu e animal den un tempo corto ta haya produci hopi porco. Riba dje porco ta un animal cu ta crece hopi liher.