Home » E fugitivo hulandes conoci bou e nomber di “Tattookiller” Cor P. a keda aresta na Republica Dominicana

E fugitivo hulandes conoci bou e nomber di “Tattookiller” Cor P. a keda aresta na Republica Dominicana

by Admin
0 comment 68 views

E fugitivo di nacionalidad Hulandes Cor Pijnen, conoci bou di e nomber ‘Tattookiller” a wordo aresta na Republica Dominicana, despues di a scapa di un intento di asesinato riba su persona.

Las Terrenas, Republica Dominicana:

E atentado di diamars ultimo riba su bida a laga e conocido di Husticia Hulandes  Cor Pijnen (38) gravemente herida.

Na Januari 2020, Cor Pijnen a huy for di Hulanda, na momento cu Fiscal a pidi castigo di bida largo contra dje, pa un asesinato den baho mundo.  Cor a wordo laga den libertad pero condicionalmente. E la haya un enkelband, pero e la corta esaki y asina e la logra huy for di Hulanda.

Den e centro di e area turistico Las Terranas na Republica Dominicana, dos homber riba un scooter a los algun tiro riba Cor a momento cu e tabata den su SUV blanco. Cor lo tabata tin algun tempo caba ta biba na Las Terrenas.

Na momento di e atentado riba su bida, e la trata na huy, pero despues di un persecusion cortico, a boks contra un otro SUV, cu consecuencia cu e la bolter cu su auto. Mesora Cor a logra sali for di e auto y a core drenta den un hanchi, caminda esnan cu tabata sigui’e a lag’e seriamente herida atras. Segun polis di Terrenas e conocido ‘Tattookiller’ a wordo alcansa pa tres tiro.

Riba un grabacion cu tin riba Youtube un testigo a raporta e incidente aki.

 

Autoridad den e apartamento di Cor a bin topa cu dos safe, den e safenan nan a bin haya un arma di candela, algun peña, un cantidad grandi di balanan, un peluca, tambe nan a haya dos plaachi number di auto falso, 4 paspoort falso, 5 tarheta di identificacion falso di Costa Rica.

Polis na prome instante a pensa cu Cor tabata di Costa Rica, manera tin pone riba su I.D. cu ta uno falso. Pero despues a bin haya sa cu Cor ta un persona peligroso y cu ta poni riba e lista di personanan cu ta wordo busca internacionalmente. Diahuebs ultimo Cor Pijnen miho conoci como e TattooKiller, a keda oficialmente aresta den e hospital caminda e ta actualmente interna.

Cor ta un persona cu a yega di likida hendenan den baho mundo. Na 2014 Cor a keda sentencia cu un castigo di prison di 12.5 aña. E sentencia aki ela ricibi pa a likida un criminal di Amsterdam, Marlon D.  Cor P. a los basta tiro riba e criminal Marlon D. Esaki a sosode den Andries Vierlinghstraat na Amsterdam-Slotervaart, na augustus 2009.

Husticia Hulandes ta mira Cor Pijnen como leader di e supuesto grupo ‘Tattookillers’, cu nan tin simbolonan chines tatua riba nan lomba.

Na januari 2020 Cor mester a presenta den Corte hunto cu algun otro criminal mas, pa motibo cu nan lo tabata envolvi of a likida un ex miembro di nan banda tattookillers, Onno Kuut. Onno Kuut su curpa sin bida a wordo haya na maart 2009. E curpa sin bida di Onno Kuurt a wordo haya pa algun persona cu tabata canando den e duinennan na Hoek van Holland. Despues cu husticia a pidi castigo di bida largo pa Cor Pijnen. Cor a corta su enkelband y a huy for di Hulanda. Segun informenan Cor  tabata tin un tempo largo caba bibando na Republica Dominicana.

Anteriormente e tabata sospechoso caba di tabata envolvi di e asesinato di e ex Kickbokser Peter Smit. Den hoger beroep e la sali liber. Den e mundo criminal Hulandes Cor P. a wordo gelink cu varios otro asesinato. Su bijnaam De Paling, (un sorto di congla)  e la haye pa motibo cu mayoria di biaha e tabata sa con pa saca su curpa for di casonan di asesinato y scapa di castigonan pisa.

E motibo di e intento di asesinato riba Cor, no ta conoci. Hulanda no tin niun acuerdo di extradicion cu Republica Dominicana. Despues cu Cor P. a corta e enkelband cu husticia a bisti’e y a dun’e como condicion pa por a wordo laga den libertad. Cor P. alias Tattookillers ta riba e lista internacional di criminalnan busca pa husticia. Corte a dun’e vrijspraak referente e asesinato di Kuut, pero  asisna mes husticia a bay den hoog beroep.

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio