Shiribana – Dialuna anochi algo prome cu 9:30 habitantenan di Shiribana ta scucha un zonido duro ariba caminda. Momento cu nan a sali pafo nan a tuma nota cu tawata trata di un accidente serio.
Tawata trata di un Mitsubishi Galant y un Toyota Yaris.
E chauffeurnan ambos ta femenino y ambos tawata herida.
Na e sitio nos a compronde for di testigonan cu aparentemente lo tawata tin un fila chikito y e Galant (rhd) lo no a controla su velocidad y a dal hopi duro tras di e Yaris.
Prome auxilio a wordo duna door di un Paramedico cu tawata den vecindario, esaki a wordo duna na e dama den e Galant, cu lo tawata perdiendo rosea.
E pick up di Imsan a yega y mesora e Paramedico a bay na e Yaris pa mira situacion di e chauffeur cu tawata yorando di dolor.
Dos ambulance a presenta na e sitio, paramediconan despues di a stabilisa e victimanan a sali cu nan direccion Hospitaal.
Caminda a wordo parcialmente cera pa asina takelwagen por a bay cu e autonan kibra.
Algun siman atras a sosode un accidente casi similar na e esaki y na e mesun sitio.
Automobilistanan mester pone extra atencion yegando e area aki.
