Home Politics Minister Dangui Oduber Reunion entre Ministerio di Turismo, ATA, DOW y DIP...

Minister Dangui Oduber Reunion entre Ministerio di Turismo, ATA, DOW y DIP tabata un exito!

SHARE

ORANJESTAD – Dialuna Minister di Turismo y Salud Publico Sr. Dangui Oduber a reuni cu Aruba Tourism Authority (ATA), cu Directie Infrastructuur en Planning (DIP) y tambe cu Dienst Openbare Werken (DOW). Den e reunion aki e mandatario a papia riba tur e proyectonan cu ta bay tin den aña 2022. Palabracion concreto a wordo haci entre ATA, DIP y DOW pa asina nan hunto por forma un “project groep”, cu na su turno lo ta encarga cu ehecucion di tur e proyecto nan pa mehoracion di nos product Aruba.

Minister Oduber den pasado semper tabata tin un bon cooperacion entre Ministerio y DOW pa cu realisacionnan di proyectonan. A traha y finalisa proyectonan manera di embeyecimento di e area di Brickel Bay, proyecto Boardwalk Malmok, proyecto di Baby Beach fase 1, just pa menciona algun.

E reunion tabata uno hopi importante pa asina por delinea tur e proyectonan di aña 2022 cu ATA y DOW, di e manera aki tur partido ta riba e mesun linea di pensamento. Minister Dangui Oduber ta hopi optimista pa cu aña 2022 y DOW ta bay sigui brinda tur e cooperacion necesario pa realisa e proyectonan e aña aki.