92
Cumana: Dialuna algo prome cu 7’or a sosode un boksmento, na e crusada di Cumana, un poco pariba di e rotonde di ex Codemsa, mesora a pidi pa presencia di ambulance y polis.
Chauffeur di un chevrolet Trax no lo a controla su velocidad na tempo y a dal tras di un Toyota Vitz. E chauffeur di e Vitz a keda herida.
Polis a presenta na e sitio pa atende cu e boksmento aki y ambulance tambe a bay na e sitio pa haci un control medico cu e chauffeur di Toyota Vitz. Ambos auto a haya un poco daño material. Ambulance despues di a trata e victima na e sitio a transport’e pa hospital.