Caya Dr. J.E.M. Arends – Diadomingo mainta rond di 10’or nos por mira e caya pa nort di Hospitaal cu tur dia tabata tin filanan largo di auto pa haci Covid-19 test completamente bashi. Nos no por bisa cu kizas esaki merdia lo por aumenta.
E tentnan cu a ser poni pa e security nan di Hospitaal guia esnan cu mester a haci a test “bandona”.
Nos a sigui averigua y paden tawata tin solamente algun auto, pues manera a ser bisa o premira debi na experiencianan di pasado e peak(fila) ta algun dia so y despues e ta baha completamente.
Pues pa awor e presion ariba e test centrum na Hospitaal lo por hala un tiki rosea.
Nos niun no por bisa kiko mas lo por presenta, por ehempel, un otro aumenton di contagio of un variante nobo y cu tur su consecuencianan di con contagioso of severo e lo por ta.
Pa awor cada rato nan ta treciendo basta test pa lab si ainda.
E fluho lo por a baha tambe debi na e selftest kitnan cu ser mas y mas usa actualmente. Esaki lo ta duna e impression cu e fila largo A baha.
Pa awor Aruba su peak di test(fila di auto) a cuminsa baha y nos ta spera cu den e dianan nos dilanti lo ta posibel pa cuminsa mira cambionan den e cifranan diario di contagio tambe.
