Home Police Dama na stuur di Nissan March aresta diadomingo marduga

Dama na stuur di Nissan March aresta diadomingo marduga

SHARE

Pitastraat- Diadomingo mey anochi un Nissan March color shinishi lo a wordo capta coriendo malo ariba Avenida Nelson O.Oduber, y mas cu claro treciendo trafico den peliger.

E vehiculo aki tawata bayendo direccion zuid esta e rotonde nobo Guardian Group.
Eynan e la sigui bay ariba direccion Turbo Rotonde, eynan e la bay na su man robes y sigui bay drentando Santa Helenastraat.

Full e trayectoria di e Nissan March e tawata core cu un tire flat parti dilanti, segun testigonan te hasta chispanan di candela tawata spart ariba caminda.

Patruyanan cu a bay e sitio a logra intercepta e March y den Pitastraat a stop e.
Na stuur tawata tin un dama hoben cu mesora a wordo aresta y hinca den patrouille wagen.

No a usa transportwagen pa transporta e chauffeur warda pero a wordo hiba directamente cu e patrouille wagen mes.