Un biaha mas aña ta habri cu un otro Parlamentario den e caso aki e supuesto ingeniero sr. Mike de Meza cu un biaha mas ta purba na manipula pueblo y pensa cu e pueblo aki no ta corda su proyecto di gas likido na 2011. Ta un tristesa e pensamento mediocre cu e pueblo aki no ta corda of cu e pensamento cu pa motibo cu e educacion di pueblo ta uno abao y por sigui manipula.
Proyecto di gas likido di AVP y sr. Mike de Meza na 2011
Na 2011 AVP hunto cu sr. De Meza a firma un acuerdo cu Valero y Gasunie pa bin cu e proyecto di gas natural. Den esaki e prome fase ta consisti di traha un pier na e refineria tin e otro piernan grandi. Meta di esaki tabata pa un tankero special traha por hancra ser abesta pa gas y ‘regasing’ pa un otro tankero cu lo trece e gas. Y unda lo instala un tuberia cu mester a core di e refineria te cu WEB.
Kico a cambia?
Na 2022 lo mester cuminsa cu e mesun proyecto di gas likido unda cu enbes di traha un pier lo construi un planta cu lo procesa e gas likido y unda un barco specialisa (cada siman pa dos siman) lo bin y suministra gas likido na WEB y unda lo construi e mesun tuberia cu lo a construi na 2011 di refineria pa WEB
Splicacion di Eagle LNG den reunion publico
Si sr. Mike de Meza ta honesto cu pueblo of kizas sr. Mike de Meza ta un ingeniero mediocre so e por trece informacion asina dilanti. Maske pa nos e no ta algo nobo paso den pasado hasta un Hues a categorise como “Lolo di Awa”. Den reunion publico a wordo splica cu ta trata di un ‘lowpressure’ gas cu no ta compara mes cu e boter di gas cu nos conoce na nos casnan.
Mike de Meza y AVP tin como unico meta pa stroba desaroyo di Aruba y San Nicolas
Nos di MEP ta lamenta c’un proyecto cu lo percura pa stabilisa prijs di awa y coriente y alabes lo stimula nos economia y sigur lo percura pa crea cupo di trabao cu nos mester mas cu nunca ta trata na boicotia esaki. Di 2009 pa 2017 sr. Mike de Meza como Minister pa San Nicolas tabata un desapunto total y fracaso y awo kier stroba San Nicolas di conoce desaroyo real y unda cu si sr. Mike de Meza sali pafo di su cas por wak un bunita hotel den desaroyo unda cu su persona semper a gaña su pueblo di San Nicolas.
Pa termina nos di MEP ta pidi sr. Mike de Meza pa sali splica con su proyecto di gas tabata paso nos lo percura pa pone e audio publico unda su persona y su lider sr. Mike Eman tabata splica cu pasion e mesun proyecto. Kico a cambia?