Home » CASI 1000 PERSONA AYERA A HAYA NAN VACUNA OF BOOSTER SHOT.

CASI 1000 PERSONA AYERA A HAYA NAN VACUNA OF BOOSTER SHOT.

by Admin
0 comment 98 views

Oranjestad, 6 di Januari 2022 – Ayera un grupo grandi di ciudadano a bay tuma nan Booster Shot di e vacuna na Centro Libertador Betico Croes. Ta trata aki di un total di 959 persona cu a acudi. Awor ta na turno tur esnan 40 plus pa bin ricibi nan vacuna sin haci un cita, pues cana kibra. Tambe ta importante pa remarca cu e organisacion di specialistanan di Aruba (OMT) a distancia nan mes di declaracionnan di publicacion cu a sali di e director di Hospital haci na algun media. Nan a recomenda un y tur pa bay tuma e vacuna of Booster Shot ya cu ta comproba cu e ta brinda bon proteccion contra e efectonan mas severo di e virus y tambe Hospitalisacion. E orario cu por acudi na C.L.B. ta 8 or di mainta pa 3 or di atardi non stop. Entrante otro siman diamars 11 di januari Crisis Team lo staciona e Operation Mobile Unit di BRA na IMSAN pa brinda mas oportunidad pa vacuna y y tuma e booster shot na e parti di población pariba di brug y San Nicolas. Lo tin Doctor presente pa asisti si tin cualkier reaccion alergico. E orarion na Imsan tambe ta di 8 or di mainta pa 3 or di atardi non stop. Crisis Team y DVG ta urgi comunidad pa busca e Booster Shot si bo tin mas di 3 luna cu bo a ricibi bo di dos vacuna y tur esnan 12 aña pariba cu falta pa tuma e promer of di dos vacuna tambe por acudi.

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio