Home Police Turistanan keto bay ta keda accidenta cu UTV

Turistanan keto bay ta keda accidenta cu UTV

SHARE

BUSHIRIBANA:
Diamars algo prome cu 12’or di merdia, un famia turista cu a huur algun UTV a dicidi di bay haci un tour rond di nos isla.
Un poco pariba di Bushiribana dos di e turistanan den un UTV a bay draai cu e UTV, e manehado no por a controla e UTV y nan a bolter. Ambos, un homber y un muher a resulta herida.

Un patruya di polis a yega hopi lihe na e sitio y mesora a nota, cu enberdad tur dos ocupante ta levemente herida. E homber a haya sla na cabes, e tabata sangra y tambe na su schouder banda robes e la haya sla.

Polis a pidi pa presencia di ambulance. Personal di ambulance na yegada a trata ambos turista na e sitio y despues a transporta ambos pa hospital. Slachtofferhulp tambe a wordo pidi pa asisti e famia.