Home » Analisis weekend aña nobo departamento di emergencia Ningun caso di vuurwerk na departamento di emergencia

Analisis weekend aña nobo departamento di emergencia Ningun caso di vuurwerk na departamento di emergencia

by Admin
0 comment 73 views

Anualmente Dr. Horacio E. Oduber Hospital ta haci un analis di bishitantenan cu ta acudi na Departamento di Emergencia durante e weekendnan di fiesta. Aunke e aña aki Aruba atrobe a celebra fin di aña mey mey di un pandemia, e cantidad di pashent cu a acudi pa sea ricibi atencion medico na Departamento di Emergencia of dokter na warda ta 326 hende. Aña pasa esaki tabata 262, na 2019 e tabata 357 y na 2018 un total di 332.
E informacion cu a resalta ta cu e aña aki no tabatin ningun caso di vuurwerk cual ta un noticia remarcabel y hopi positivo cu nos ta spera lo sigui asina!

E analisis a cuminsa dia 31 di december pa 6am y a termina dia 3 di januari pa 6am. Di e 326 persona un total di 124 a ricibi atencion medico na Departamento di Emergencia cual 58% ta masculino. Un cifra casi igual cu aña pasa. E edad di mas abou di e 326 persona ta un baby di 7 siman y e pashent di mas grandi tabatin 89 aña di edad. E edad averahe cu a acudi tabata 43 aña. Edad cu mas a acudi Departamento di Emergencia ta entre 19 cu 65 aña.

Ta interesante tambe pa analisa e motibo di bishita durante e fin di siman di fin di aña. Di e 124 pashentnan cu a ricibi atencion medico na Departamento di Emergencia 37 pashent tabatin herida di cual 2 tabata involucra den un accident di trafico. No tabatin casonan di vuurwerk y tampoco incidentenan di violencia. Otro tabata pa motibonan cu no tin di haber cu traumanan fisico manera por ehempel dolor di pecho, dolor di stoma y sacamento, intoxicacion di alcohol, infeccion of reaccion alergico etc.

Un total di 35 pashent a ser admiti den Hospital di cual 63% tabata masculino y 37% femenino. Alabes mester bisa tambe cu e pashent cu e edad mas abou tin 11 siman y e pashent di mas grandi 85 aña. Edad averahe ta 55 aña.

Hospital kier corda tur hende pa mantene na reglanan di DVG di distanciamento social, evita aglomeracion y haci bon uzo di mask y laba man frecuentemente. Y si bo ta sinti un di e sintoma nan yama bo dokter di cas.
Team completo di Hospital kier desea henter comunidad un prospero aña 2022 yena cu amor, felicidad y salud!

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio