?????????????: Baby recien naci haya den bari sushi di toilet di avion

Trahadornan di un airport na Mauritius a encontra un recien naci baby mucha homber abandona den un bari di sushi di un baño di un avion.

Un muher di 20 aña for di e pais Madagascar, ta wordo sospecha di haya yui abordo di e avion. Despues di a nenga cu e baby ta di dje, e a wordo aresta y un examinacion medico a confirma cu e a caba di haya yui.

Agentenan oficial di Douane a descubri e baby momento cu nan tawata haciendo un control rutinario abordo di e avion, Air Mauritius.

E baby a ser hiba cu urgencia hospital pa ricibi tratamento, unda cu na e momentonan aki ta mustra cu e ta di bon salud.

E muher di 20 aña tambe ta na hospital bou vigilancia policial, y ta mustra di ta di bayendo bon.