Home » Indicacion grandi cu nan a bolbe drenta: Varios container di gasolin y un salbabida haya pazuid di Vader Piet

Indicacion grandi cu nan a bolbe drenta: Varios container di gasolin y un salbabida haya pazuid di Vader Piet

by Admin
0 comment 102 views

Rincon, San Nicolas
Diadomingo mainta riba di dos dia di aña, indicacion fuerte cu un cantidad desconoci di ilegalnan a bolbe drenta nos isla.

Riba e beach di Rincon a bin topa cu mas di 8 container, probablemente cu gasolin of un otro contenido, tambe un lifevest y paña a wordo haya.

Algun di e containernan tabata mustra yen , nan tabata asina pisa cu e lama bruto di baina por a movenan, pues ta mustra cu ainda nan lo tin gasolin, of algo otro den nan. Riba beach tabata tin un holo fuerte di gasolin.

Locual a wordo haya na Rincon, ta mustra cu algun persona a drenta Aruba na un forma ilegal y of tambe manera den mayoria caso, nan ta bin cu droga, arma, remedi of bestianan prohibi cu nan.

Tambe por a mira algun rastronan di tire fresco riba e beach, cu ta mustra di un vehiculo 4×4. Esaki nos no por confirma, si ta trata di un vehiculo cu lo por a wordo uza pa busca e ilegalnan aki of ta di otro vehiculo.

Kustwacht a wordo poni na altura y lo a bay eybanda pa mas investigacion. Pero ta mustra tambe cu esaki a bolbe pasa bou nanishi di tur esnan encarga cu e vigilancia necesario.

 

 

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio