December 30 2021 a habri unda cu turistanan tawata envolvi den varios accidente di trafico, tres UTV a accidenta cu turista y te cu 4’or di atardi na Sero Pita.
Unda un famia turista a subi e crusada sin duna preferencia cu nan v-car.
Sero Pita – Diahuebs merdia pa atardi algo prome cu 4’or ta a sosode un accidente di trafico serio ariba e crusada conoci na Sero Pita.
Tawata trata di Ford Edge y un Hyundai Accent v-car di e compania Dollar Car rental.
Na yegada polis ya tawata tin Ambulance na e sitio, pero mucho no por a haci mesora pa e famia turista den v-car.
Locual a sosode ta lo siguiente, e Hyundai Accent v-car a subi e crusada for di pariba sin stop.
Pa mala suerte tawata tin e Ford Edge biniendo di zuid.
Aki ta unda e Ford a dal e Accent mande un 25 meter ma panort, mientras e Ford tambe a bay pega den cadushi pabou di caminda.
Na stuur di e Ford tawata tin un dama y tawata splica polis kiko a sosode.
Materiaalwagen y un unidad mas di Brandweer tambe a wordo pidi debi cu e chauffeur di e Accent a keda pega den e auto.
Paramediconan a logra saca e yiu cu tawata patras y e mama dilanti.
Bomberonan na yegada mesora a drenta accion y a cuminsa traha usando e “Jaw of Life” pa corta e porta di e Accent.
Ambos porta banda robes mester a wordo corta pa libera e cabayero turista.
En total 4 hende a resulta herida, esta e famia turista completo a wordo hiba Hospitaal y por a mira Paramediconan dunando asistencia na e dama chauffeur di e Ford Edge.
Polis di trafico, departamento tecnico y slachtofferhulp tur a wordo poni na altura di e accidente serio aki.
