Koeri Boeri – Diahuebs merdia algo pasa di 1:30 polis a bay Sero Crystal pa un otro UTV cu a accidenta y tin persona herida.
Nos mester bisa cu pa mas o menos 11:45 e segundo accidente di UTV a sosode patras di Lighthouse. Esaki a pasa unda tin e tera color cora, un sitio hopi comun pa UTV accidenta, debi na e color y bo no ta distingui e cero nan di tera.
Bayendo bek na esun di Koeri Boeri, a bisa Sero Crystal pero tawata den e bocht mas ariba na Koeri Boeri.
Eynan un UTV a baha caminda y dal contra matanan y parcial den e trankera.
Den e accidente aki dos mucha a resulta herida, un menor y un teenager. Ta mustra cu nan tawata den compania di nan mayornan.
Polis di trafico y Paramediconan a presenta na e sitio.
Tanto e mucha homber y probablemente su ruman muhe a wordo atendi door di Paramediconan y despues a sali cu ambos direccion Hospitaal.
Mester bisa si cu ambos tawata comunica cu polis y e Paramediconan, pues lo ta trata mas tanto di heridanan leve.