Home Politics Minister Dangui Oduber – E prome 100 dianan di Gobernacion

Minister Dangui Oduber – E prome 100 dianan di Gobernacion

SHARE

 

ORANJESTAD – Dia 21 di september 2021 Gabinete Wever-Croes 2 a huramenta dilanti Gobernador interino pa asumi e resposabilidad pa goberna Aruba pa e proximo 4 aña. Esaki a sosode despues di e resultado di elleccion di dia 25 di juli unda pueblo a duna MEP 9 asiento. Despues a sigui e parti di formacion di e gobierno cu sigur a tuma su tempo y na final awe nos tin un gobierno di coalicion entre partido MEP y RAIZ.

Minister Dangui Oduber a haya e honor di por a ocupa un bes mas e carteranan di Turismo y Salud Publico. Manera cu e mandatario a huramenta e la cuminsa traha mesora, e prome cos cu e mandatario a haci ta sinta cu tur e CEO’s, directornan cu ta resorta bou di su Ministerio. Di e manera aki Minister Oduber por a mustra e CEO’s y directornan kiko ta bay ta su vision y su maneho pa e gobernacion di 2021-2025, pa di e manera aki tur hende ta riba e mesun liña. Tambe a tuma lugar e traspaso di Ministerio di Deporte pa Minister Endy Croes y e traspaso di departamento di SPD, fundacionnan di FADA y FMAA pa Minister Rocco Tjon, como cu verslavingszorg y salud mental ta resorta bou di e Minister di Asuntonan Social den e gobernacion aki.

Dia 29 di december Gobierno ta cumpli su prome 100 dianan den Gobierno y Minister Dangui Oduber a logra hopi di su punto nan menciona cu e lo traha ariba dje pa e period 2021-2025. Minister Dangui Oduber ta conoci pa ta un mandatario cu ta traha hopi proactive. Unda cu e ta envolvi, e cosnan ta cana netjes. 

 

Aki nos ta ilustra kiko tur ta e cosnan importante cu Minister di Turismo y Salud Publico a logra den su prome 100 dianan den gobernacion.

AruBig a bira un realidad

Promer dokter yui di tera a drenta registro y firma contrato cu AZV

A institui un stuurgroep pa e Plan Nacional di Prevencion di malesanan di NCD’s

Anuncio di e restauracion di e trapi na Rodgers Beach

Ley LV Beperking Tabaksproducten, ta drenta na vigor dia 1 di januari 2022

E proyecto den cuadro prevencion “Bo estilo di bida, bo medicina” esaki ta patronisa door di PAHO

A firma un MOU cu Stichting BOB

A firma un MOU cu Ok2Roam cu ta bay mehora e servicio na nos bishitantenan atraves di e Aruba Health Application

Proyecto di Buoy conhunto cu ATA

Recuperacion acelera di nos turismo 73% 

Vuelo inaugural Frontier Airlines desde Miami

Inaugural Call Meinschiff 1 cu pa prome bes a bin Aruba

Anuncio vuelo Sarpa Airlines desde Medellin y Barranquilla entrante comienso di 2022

TUI cu vuelo directo entra Aruba & Brussels

 

Esakinan ta parti di e maneho cu Minister Dangui Oduber tin ariba su vision y strategia, enfocando specialmente riba prevencion, calidad di cuido, innovacion, diversifcacion di nos economia riba tereno di medicina y cuido, lo sigui sostene Aruba den su recuperacion y desaroyo durante gobernacion 2021 – 2025. 

Mision pa Turismo ta, pa hunto cu Aruba Tourism Authority y gremionan traha den un manera innovativo pa genera un impacto positivo riba e economia, dirigi no pa cantidad pero calidad di turismo. Cu un vision pa Aruba bira e destinacion mas bishita den e islanan Caribense door di un turismo sostenibel desaroya pa Gobierno di Aruba.

Minister Dangui Oduber ta gradici pueblo di Aruba pa e confiansa cu nan a dune pa e por sirbi su pais na un manera digno. Minister Oduber ta desea henter e pueblo di Aruba feliz dianan di fiesta y un prospero aña 2022 yena cu hopi bendicion, amor y felisidad.