Home Police Dama motociclista herida den accidente di trafico na altura di hotel na...

Dama motociclista herida den accidente di trafico na altura di hotel na Palm Beach

SHARE

L.G.Smith Boulevard – Diamars anochi den careda di 9’or a sosode un accidente entre un brommer y un V-car cu tawata saliendo di Marriott Hotel.

Pa un of otro motibo turistanan lo no a mira e dama biniendo cu e brommer.

Un unidad di Brandweer pasando eybanda a topa cu e accidente, e dama motociclista a keda ariba caminda drumi.

Varios unidad di polis mesora a sali pa e sitio y na yegada a bin topa e dama banda di e brommer y e Hyundai Accent v-car poco mas panort para.

Ambulance a yega y mesora a cuminsa trata cu e dama cu tawata tin basta dolor na curpa, pero tawata comunica cu polis y Paramediconan.

Despues di algun rato Paramediconan a pone ariba brancard y sali direccion Hospitaal.

Caminda a wordo cera ambos banda pa asina Polis di trafico por a haci su investigacion necesario.