Home International Alexa lo a challenge un mucha pa hinka un coin den stopcontact

Alexa lo a challenge un mucha pa hinka un coin den stopcontact

SHARE

Compania Amazon a haye ta update e programa di asistencia di voz yama ‘Alexa’. Esaki despues cu Alexa a ‘challenge’ un mucha muher di 10 aña pa hinka un florin den un stopcontact. 

E sugerencia aki di Alexa a bin despues cu e mucha a puntra Alexa cual ‘challenge’ e mester haci.

Alexa, cual ta un ‘smart speaker’ a bisa e mucha pa medio plug un charger di telefon den coriente y pa mishi e djentenan di e charger cu a keda exponi cu un florin.

Amazon a duna di conoce cu e compania ta na altura di e eror y a corihi esaki di inmediato.

Hero cu ta pasa coriente, y mishiendo cu un corida bibo di electricidad por duna un shock electrico, crea candela, of ocasiona otro dañonan serio.