Home International Mama preparando desayuno pa su yiunan a bin topa cu un saco...

Mama preparando desayuno pa su yiunan a bin topa cu un saco di Crystal Meth den un caha di cornflakes

SHARE

Londen, Inglatera:
Un mama cu ta biba na London a haya un shock di su bida na momento cu e tabata preparando desayuno pa su yiunan chikito, e la bin descubri den un caha di Cornflakes, di e marca Golden Morn-cornflakes algo hopi straño. Mesora e mama a sospecha cu locual tin den e caha di cornflakes no tin nada di haber cu cornflakes, ni lechi of sucu, pero ta parce droga.

E mama mesora a dicidi di pone polis na altura. E polisnan a confisca e saco cu e contenido blanco pa mas investigacion. Tambe pa tur seguridad a transporta e muchanan pa hospital, pa haci un checkeo medico cu si eventualmente nan lo por a ingeri un poco di e cristal blanco aki, sin cu e mama tabata na altura di dje, pero esaki no tabata e caso, despues di un checkeo medico e muchanan por a bay cas.

For di e investigacionnan haci a bin comproba cu enberdad ta trata di e droga, Crystal Meth. Den e saco confisca tabata tin un total di 450 gram di Crystal Meth cu su balor riba caya ta mas cu 100 mil euro. Con e droga aki a yega den e paki di cornflakes ainda ta wordo investiga. Tambe e fabrica ta haciendo investigacion, pero ta sospecha cu e droga aki a wordo hinca despues cu e caha di cornflakes a sali for di e fabrica.