Home » HOH ta informa: Analisis weekend di Pasco na Departamento di Emergencia di Hospital

HOH ta informa: Analisis weekend di Pasco na Departamento di Emergencia di Hospital

by Admin
0 comment 107 views

Anualmente Dr. Horacio E. Oduber Hospital Hospital ta hasi un analis di bishitantenan cu a acudi na departamento di Emergencia durante e dianan di fiesta. E aña aki tabatin 319 pashent cu a acudi pa sea ricibi atencion medico na Departamento di Emergencia of dokter na warda. Aña pasa tabata 284, na aña 2019 tabatin 332 y na 2018 esaki tabata 287 hende.

 

E analisis a cuminsa dia 24 pa 6am y a termina dia 27 di december pa 6 am. Di e 319 persona un total di 113 persona a ricibi atencion na departamento di Emergencia cual 58% ta femenino. Aña pasa esaki tabata 135 pashent, pues ta menos e aña aki. E edad di mas chikito cu a atende e aña aki ta un baby di 5 dia y e pashent di mas grandi tabatin 90 aña. Y alabes e edad averahe cu a ser atendi tabata 39,5 aña di edad. 

 

Ta interesante tambe pa analisa e motibo di bishita durante e fin di siman di Pasco. Di e 113 pashentnan cu a acudi na Departamento di Emergencia 30 tabatin herida di cual 5 di nan tabata involucra den un accident di trafico, 2 persona den incidente di violencia y 23 persona cu otro tipo di trauma. E e otro pashentnan a yega pa motibonan  cu no tin di haber cu traumanan fisico manera por ehempel dolor na pecho, dolor di stoma, reaccion alergico, un of otro infection, falta rosea etc. 

 

Di e 113 pashentnan cu a acudi na Departamento di Emergencia un total di 30 pashent a ser admiti den Hospital. E pashent di mas chikito admiti den Hospital tabatin un edad di 8 aña y e edad di mas halto admiti ta 89 aña. Alabes mester bisa tambe cu 43% di pashent admiti ta masculino. 

 

Hospital sigur kier pidi tur hende pa bay poco poco e ultimo siman di 2021. E casonan a cuminsa subi y ta urgi tur hende pa mantene na reglanan di DVG di distanciamento social, evita aglomeracion, laba man frecuentemente y haci uzo bon uzo di mask den lugarnan publico. 

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio