Home Dutch Kingdom Dos muhe deteni na Schiphol, nan tabata tin 150 mil Euro scondi...

Dos muhe deteni na Schiphol, nan tabata tin 150 mil Euro scondi den nan corset

SHARE

Schiphol, Amsterdam, Hulanda;
Riba un buelo procedente di Roma, Italia a yega Schiphol di transito dos dama di 54 y 55 aña, nan lo mester a sigui pa Peru cu destinacion final Colombia. Durante un control rutinario na gate, dos cacho di douane a detecta algo sospechoso na dos damanan aki. Mesora a cuminsa controlanan.

Durante cu autoridad tabata controlando e dos damanan aki, nan a bin descubri den e corsetnan cu e damanan tabata tin bisti, nan a sconde un total di 150 mil euro cash. Douane mesora a pasa e caso aki pa FIOD. E dos damanan no por a bisa FIOD di unda of di ken nan a haya e cantidad di euro aki y tampoco pakiko nan a sconde e cantidad di Euronan aki den nan corset.

Ambos damanan a keda deteni y cu limitacion, nan no tin mag di tin contacto cu niun persona cu excepcion di nan abogado, esaki a sosode riba 30 di november 2021, pero siman pasa corte a prolonga nan detencion cu 90 dia mas. E investigacion ta andando y ta wordo considera como labamento di placa y caso aki ta bou investigacion di Ministerio Publico di Noord-Holland.