Home » Señora di edad transporta cu urgencia pa Hospitaal, despues di a boks na Savaneta

Señora di edad transporta cu urgencia pa Hospitaal, despues di a boks na Savaneta

by Admin
0 comment 43 views

Savaneta – Dialuna mainta den careda di 10’or a sosode un accidente altura di un hardware center situa na Savaneta. Un di e personanan cu ta un dama di edad su situacion tawata serio.

E autonan envolvi tawata un Kia Picanto color cora y un Nissan March color preto.

Na e sitio nos a haya informacion cu e señora chauffeur di e Kia Picanto lo a bira malo tras di stuur. E Kia tawata bayendo pabou, y ora e señora a bira malo e la hala bay na su man robes dal contra e Nissan March cu tawata bayendo pariba.

Un impacto duro, cu a pone e Kia spin y para cara pariba mientras e March a keda benta pazuid di caminda.
Na stuur di e March tawata tin un dama cu a sali ileso di e accidente .

Dos ambulance y e rapid responder di Imsan a yega pa asina trata e señora di edad cu lo a sufri un ataca di curason.
Na prome instante e señora no tawata responde, pero un rato despues e la cuminsa reacciona un poco y esaki a pone cu Paramediconan a sali cu ne den estado serio direccion Hospitaal.

Polis di trafico a presenta pa atende cu e accidente aki. Departamento tecnico y tambe slachtofferhulp a wordo notifica.

 

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio