Pa motibo di renobacion di nos Hospital tin actualmente un escasez di cama. Hospital ta informa cu tin chens cu cada pashent cu wordo admiti por wordo manda exterior pa asina cuido wordo garantisa pa un y tur. Pues ta importante pa tene na cuenta cu un transferencia pa un Hospital den region ta un posibel opcion.
Un posibel transferencia lo wordo consulta y regla hunto cu AZV. E pashent por wordo manda sea pa Corsow, Colombia of Martinique si tin luga. Colombia tin como exigencia cu e compañante mester ta vacuna. Esaki por nifica cu un mucha lo por wordo manda pa ricibi cuido na Colombia pero e mayor no lo por bay como su compañante si e no ta vacuna. E decision pa transferencia ta wordo haci door di dunado nan di cuido di HOH a base di motibonan medico.
Un transferencia ta sosode mayoria biaha cu Air Ambulance y HOH lo percura pa manda tur informacion di e tratamento pe Hospital den exterior. Pa un transferencia mester tin un pasaporte valido.
Hospital ta compronde cu un transferencia ta un decision fastioso pa e pashent y sernan keri pero ta necesario den e circumstancianan actual pa por garantisa cuido pa tur hende. Casa pashent admiti y cu lo bay wordo admiti lo ricibi un carta cu splicacion encuanto e posibilidad akinan .
Ban keda cuida nos mes y nos sernan keri pa asina por pasa un felis temporada di fin di aña!
FIN