Home » Homber cu lo a insulta agentenan di Kustwacht ariba lama deteni y entrega na polis

Homber cu lo a insulta agentenan di Kustwacht ariba lama deteni y entrega na polis

by Admin
0 comment 161 views

Seaport pier – Diadomingo anochi dos unidad di Oranjestad a bay e pier tegenover di Bestuurskantoor, unda cu Kustwacht a trece un persona local deteni.

E cabayero visiblemente altera y posiblemente bou un of otro substancia tawata keda grita un cantidad di “cos”.

Kustwacht ya tawata tin homber den boei y polis mester a hibe warda, pero transportwagen mester a bin di Santa Cruz y a tarda hopi.

Ey ta unda full e gritamento a start di parti e homber cu tawata sinta den boei wardando. Palabra sushi tawata skeiro.
Dado momento cos a bay un tiki for di man entre e agente di Kustwacht y e homber. Polis a bisa e agente di Kustwacht pa e keda trankil debi cu tin Prensa na e sitio.

Eynan nos a compronde cu e homber deteni lo a yama Kustwacht pa yude, debi cu e boto cu e tawata cu ne a pega den area di Renaissance Island.
Segun e agente di Kustwacht e homber lo a faltanan respet, kiko exactamente no a wordo menciona.

Despues di basta warda transportwagen a yega y a bay cu e homber, na e momento eynan e tawata calmo ora e la subi den e transportwagen.

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio