San Nicolas – Pasco mainta polisnan a bay un caso di maltrato, den un di e hancinan conoci pa prostitucion.
Un homber lo a kibra un porta pa e drenta unda un prostituta ta.
A resulta cu tawata trata algo di jaloersheid.
Den pasado e homber aki lo tawata tin un relacion vast cu e dama aki pero e lo no kier pa e muhe haci e trabou ey mas.
Kizas bebi y bunita recuerdonan a bin bek e la dicidi di bay saca e dama for di e camber, cu tur e resultadonan negativo cu e lo haya su mes aden.
E la destrui porta, spiel y mas cos den e camber tambe heridando e dama y su amiga.
Esaki tawata suficiente motibo pa agentenan detene e homber, e dama mes a entrega keho di maltrato contra e homber.
Ambos dama mester a ricibi tratamento medico na Imsan pa lesionnan ricibi, mientras e homber a wordo hiba Warda di Polis.