116
Tanki Leendert – Diaranson anochi den careda di 10’or a sosode un accidente entre brommer cu auto net dilanti Citgo Tanki Leendert.
Mesora varios unidad a sali pa e sitio, mirando cu e motociclista lo ta herida.
Na yegada ya ambulance tawata na e sitio tratando e motociclista.
Un poco na banda tawata e Nissan Tiida.
Ariba caminda por a mira un strepi, miranso cu e brommer a lastra.
Na e sitio polis a cera caminda, wardando departamento di trafico.
Segun informacion na e sitio, e Nissan Tiida lo a bay subi tereno di e supermarket, y lo no a mira e brommer biniendo di pariba.
Aki ta unda e brommer a touch e auto y pa no dal full contra e auto a maniobra y bay cay.
Paramediconan a trata e motociclista na e sitio mes.