Home Police Den Driemasterstraat, habitantenan a yega cas y a haya nan apartamento na...

Den Driemasterstraat, habitantenan a yega cas y a haya nan apartamento na candela

SHARE

Driemasterstraat, Oranjestad

Diadomingo algo prome cu 2’or di marduga, un pareha a yega na nan apartamento y a topa esaki na candela, e dak tabata full na candela.

Mesora nan a bati alarma, polis y brandweer hopi lihe a bay na e sitio. Na yegada enberdad nan a topa cu e apartamento completamente na candela. E candela tabata sigui crece, polis na e sitio a percura pa tur hende den e compleho wordo avisa y mester a sali pafo pa nan propio siguridad.

Despues di un rato brandweer a logra domina y paga e candela. E instancia nan concerni a wordo avisa pa asina por cuminsa cu un investigacion na e origen di e candela.