Home Police Dama bou influencia na stuur di Accent a reverse dal Nissan Note

Dama bou influencia na stuur di Accent a reverse dal Nissan Note

SHARE

Tanki Leendert – Diabierna anochi den careda di 8’or polis a wordo pidi dilanti Glenn’s Place. Esaki a bin di parti di Forensys.

Asistencia di polis tawata pa motibo cu un di chauffeurnan lo tawata aparentemente bou influencia y causando problema.

Segun nos a compronde, un dama na stuur di un Hyundai Accent lo a reverse y dal un Nissan Note.
Ey ta unda lo a start un discusion y pa cos no bay for di man a yama polis.

Despues cu e dama di e Accent a dal e Note e lo a core bay paden. Na yegada di polis nan a bay paden buske y por a ripara cu e ta bou influencia.

Por a mira cu e dama a bira emocional y tawata nervioso debi cu e no por a haya su documentonan. Polis lo a calme y a yude saca su cosnan for di auto.

E no a wordo deteni.