Watty Vos Boulevard – Diasabra marduga polisnan tawata controla e orario di cierre o sea e sluitingstijd.
Durante cu nan a yega na Blue Moon, un security a avisa polis cu un Hyundai Accent a caba di hit and run un Nissan Versa staciona.
Mesora agentenan atento a cuminsa tira bista rond, debi cu segun informacion e auto a bay zuid.
Den algun minuut a spot e auto algun meter pariba di e rotonde nobo di Tanki Leendert ariba WVB.
A dune ordo pa para, y mesora a ripara cu e chauffeur ta burachi.
Polisnan a constata cu tin daño na e auto. Pero, segun e chauffeur e no a dal e auto. Ora cu polis a para e auto e chauffeur tawata lomba sunu y polisnan a dune ordo pa e bista su shirt.
Fuera di sla na e auto por a mira cu e chauffeur a saca(vomit) serca di e auto patras banda rechts.
Polisnan a tuma su datonan, debi cu e momento ey nan no por a constata cu ta e a dal e Versa.
Polisnan a lage sigui su caminda y no a detene.
A resulta cu algun rato despues ta e chauffeur aki mes tawata esun cu a dal e Nissan Versa na Blue Moon.
