Home Police Ciudadano cu a bira malo y cay, hiba den situacion critico pa...

Ciudadano cu a bira malo y cay, hiba den situacion critico pa Hospitaal

SHARE

Caya Boes Orman – Diahuebs mainta pasa 11’or polis a bay den Caya Boes Orman(antes Arendsstraat). Banda di un mata lo tin un persona ariba suela.

Na yegada polis a haya e persona, e lo tawata cara abou wowo habri pero no ta reacciona.

Su pulso tawata hopi abou, esaki a pone a cu a pidi pa un ambulance cu urgencia.
Tin personanan cu a yega e sitio a bisa cu e homber lo a cay ariba su cara.

Un dama pasando cerca y sa di CPR mesora a baha y cuminsa practica esaki ariba e cabayero, wardando yegada di Ambulance. Net e momento eynan casi tur e unidadnan di ambulance tawata ocupa.

Den algun minuut despues ambulance a yega y Paramediconan a tuma over, despues dos unidad mobil di Imsan tambe a yega pa yuda nan coleganan.

Sra.Janine di Slachtofferhulp tambe a presenta pa asina pone su na altura y atende cu famia.
Den un estado serio e cabayero a wordo hiba pa Hospitaal.