Home Police Segun Cuerpo Policial, 4 persona en total aresta awe tardi

Segun Cuerpo Policial, 4 persona en total aresta awe tardi

SHARE

Oranjestad – Diamars anochi nos a ricibi un relato oficial for di Cuerpo Policial relaciona cu e razianan teni na dos cas, uno na Casibari y e otro na Sero Biento.
For di Sr. Lito Laclé nos a ricibi e siguiente informacion

“Project Team Drugspanden ta un team cu a wordo lanta pa entre otro investiga bendemento di droga for di un percela y ariba caya.
En conexion cu un investigacion andando Project Team Drugspanden a haci un entrada hudicial den un cas na Sero Biento y un cas na Casibari y a detene 2 hende muhe y 2 hende homber pa bendemento di droga.
Inicialnan di e dos hende muhenan ta:
J.M.K. naci na Aruba 46 aña
M.A.C.K. naci na Aruba 32 aña
Inicialnan di e dos hende hombernan ta:
S.Y.V.K. naci na Aruba di 23 aña
B.S.J.K. naci na Aruba di 21 aña.

Durante razzia a confisca un cantidad di droga ( Marihuana, XTC y basta cocaina) y un cantidad considerabel di placa.
A haci uso tambe di diferente departamentonan di Cuerpo Policial entre otro Arrestatie Team y K9 unit.
Pa Cuerpo Policial por resolve mas caso cooperacion y informacion di pueblo di Aruba ta hopi importante, pesey nos ta pidi si bo tin cualkier informacion yama nos tiplijn di Polis cu ta: 11141. Nos ta garantisa cu bo ta keda anonimo”.