Home Police Auto a pega candela den drive thru di Burger King den Kamerlingh...

Auto a pega candela den drive thru di Burger King den Kamerlingh Onnestraat

SHARE

Oranjestad-
Diahuebs algo prome cu 8’or un auto pa un motibo of otro a pega candela net na momento cu e ocupantenan tabata para pa paga den e Drive Thru di Burger King den Kamerlingh Onnesstraat.

E auto tabata hopi cerca di e edificio y despues di un explosion fuerte, e auto a pega candela. E ocupantenan mesora a sali for di e auto. Hopi lihe e auto tabata full na candela, durante cu e auto tabata kimando por a scucha varios explosion. Burger King pa siguridad di nan empleadonan y clientenan a dicidi mesora di cera. E auto cu a kima tabata un Kia Rio A-53114.  E candela a causa daño tambe na e edificio, na e drive thru, caminda ta cobra, e parti aki a keda parcialmente kibra y full gekraak.

Polis y Brandweer a presenta, brandweer hopi liher a logra controla y paga e candela, pero e auto si nan no por a logra scapa, un gran parti di e auto a keda destrui pa e candela feros.