Home Politics Parlamentario Shailiny Tromp-Lee (MEP): Bishita di trabou na Raad van...

Parlamentario Shailiny Tromp-Lee (MEP): Bishita di trabou na Raad van State y Arubahuis a bay hopi bon

SHARE

 

 

Despues cu un delegacion consistiendo di tur Lider di Fraccion, Presidente di Parlamento y Griffier a yega dialuna atardi Hulanda, ya e dia siguiente a cuminsa cu e bishitanan di trabou riba schedule.Β 

 

Bishita na Raad van State

E dia a cuminsa cu un bishita di trabou na Raad van State (RvS) caminda nos a haya un presentacion amplio di e organo aki y alabes a trata algun topico di interes. Fraccion di MEP a para keto na e preocupacion encuanto e rol di parlamento den full e proceso cu ta tumando lugar pa loke ta trata COVID, COHO y landspakket. Alabes a trata e parti cu un biaha mas ta keda enfatisa e falta di un geschillenregeling den Reino y cu nos ta keda para pa su realisacion. Otro topico cu a keda trata ta e ley di Ombudsman cu ainda mester keda finalisa y cu nos ta mira como un prioridad. Tambe nos a haya chens pa combersa cu nos representante den RvS sra. Milly Shwengle caminda nos a trata diferente punto.Β 

 

Bishita na Arubahuis

Despues nos a sigui cu nos bishita di trabou na Aruba Huis caminda nos a keda ricibi pa e Gev. Min sr. Besaril, Director sr. Lin y demas personal.Β 

 

Durante e bishita aki a trata diferente punto entre otro:

⁃ plan di reorganisacion di Arubahuis:

⁃ Falta di personalΒ 

⁃ Retonan (vivienda, AVG, bsn nr, seguro, salud mental etc) di nos studiantenan y con Arubahuis ta atende cu esaki y kico ta e knelpunten

⁃ Programa di mentor y su desaroyo

⁃ COHO y LandspakketΒ 

⁃ Introduccion di incentiva (via DUO/Arubalening) pa nos graduadonan regresa Aruba

Tur esakinan teniendo na cuenta e rol cu Parlamento por hunga den esakinan.Β 

 

Sigur un dia hopi fructifero caminda bo ta mira un bes mas cu parlamento por hunga un rol importante riba diferente topico y aspecto cu nos a trata riba e dia aki.