Oranjestad – Diaranson den oranan di mainta Vocero Policial Sr.Lacle a duna informacion oficial di e homber sin bida haya den auto na Madiki.
Aki ta sigui informacion oficial di parti Cuerpo Policial:
“Diaranson 04:34 melding a drenta via Central di Polis cu na Madiki net banda di Las Caleñas a encontra un hende homber benta cu sla na cabes.
Na e jegada di patruya a constata cu e persona tin sla na cabes y no ta duna señal di bida.
Departamento Tecnico di Cuerpo Policial, fiscal, Recherche Oranjestad (DAR1) y Slachtofferhulp a bay na e sitio.
05.35 dokter Texier a constata morto di un hende homber cu mas laat durante dia, asina cu e familiaresnan wordo poni na altura, su identidad lo wordo divulga.
Cuerpo Policial ta manda palabra di condolencia na e famia di e fayecido.”
